Juin 1240 : donation en aumône à l'Église Saint-Remi par Gaucher sire de Nanteuil

En 1240, Gaucher, sire de Nanteuil fait une donation en aumône à l'Église Saint-Remi (de Reims) du ban de la Justice et de la voirie de Coulommes, pour récompense du tort que son fils avait fait à ladite église.

Scachent tuit eil qui verront ces lettres que je gauchier Sire de nantheuil et je aelis damme de nantheuil sa mere, et je marie femme de celuy gauchier avons donné en aumone a l'Eglise st remy de reims a toujour tout le ban et tote la jotise de La ville de Columnes et de tot le terroier de celle vile sance que nous retenons la voirie de cele vile et detot le terroir, ne l'Eglise ne puct apeler autre avoued que le seignor de nantheuil et ses oirs, ne amener ne atraire autreforce que la le seignor de nantheuil et ses oirs, Et sy retenons nos rentes que nous avons sur cele vile, et au terroir, et nos aumones, et nos lieues, et nos echanges et notre vigne et nos deux pressoirs et nos hommes de cors, et la jostice de lor cors et lasise de nuef libres de parisis que nous avons en cele vile et au terroir de cele vile, en telle maniere que se ou deffaut de ces rents devant dictes nous poons penrre et notre oir et faire penrre ded choses de ceus qui defaurroient et tenir et mener a nos volontés pour nous faire payer, et nous et notre oir ou lever jaimmer les amandes ad us et acoutumes de pais sans meffaire et sy recevons lost et la chevachier et que nous puissions aquester vignes pour notre foire sauver totes les toitures saint remy et par ceste aumone l'Eglise nous acquitte tous les tors fait que nous, et tuit notre oir de nanthueil ont fait a l'Eglise devant dite se aucun en i ont fait, et de toutes ces choses, et de toutes les autres choses desques nous sommes tenus et notre oir an demourommes en bonne pais vers l'Eglise jadite, et l'Eglise ver nous, sauver les choses devant dite, et premettons que par Ereitage ne par raison de doaire, ne par nule autre raison an cete aumone rien nous, ne notre oir, ne poons ne ne porrons reclamer, et parce que et soit plus seure chose nous lavons scelé de notre sciaus. Ce fut fait en lan de l'incarnation notre seigneur mil ans et deux cens et quarente au mois de juin (Collationnés par nous notaires royaux demeurants a Reims soussignes sur les trois originaux en parchemin scellés a double queux de parchemins a nous représentés, ce fait a l'instant rendus ceiourdhuy huit juillet mil sept cens trente sept) Desain Nouvelet

Source : Archives de la Marne, sous série 56H179 liasse 76  n°1